2016年4月30日星期六

:+:Bun Rieu - 越式番茄辣蟹湯粉:+: (附食譜仔)


之前喺越南華僑朋友家食過佢地自家制嘅Bun Rieu , 睇住邊等食邊偷師~~

買齊材料都要自己煮番次黎試試呢~~  

佢地話好多都會有落蟹羔醬又或者係佢地有時都會買新鮮蟹番黎煮湯再拆肉整嘅~

用檬粉就更越南啦~~~

不過英國好似唔多覺眼有蟹羔醬賣~~

所以簡易嘅就係呢個做法喇~

材料有番茄, 罐頭碎辣蟹, 雞蛋, 豬肉, 豆腐卜, 札肉, 芽菜, 米粉~~

鮮甜又帶酸酸地同鹹香~~~ 好開胃呢~~~


材料及做法: (3湯碗份量~)

番茄 - 4個切角

燒熱油後先炒香~


炒至軟爛後就可以加入半湯匙蒜蓉炒多陣~


加入雞湯~

(之前浸白切雞嘅雞湯涼粉子通常都會分兩份真空就急凍, 煮湯粉嘅時候就大派用場喇~)


呢隻就係朋友用開嘅辣蟹碎喇~


開出黎係咁樣嘅~~


雞蛋3隻打勻後加入大約200克免治豬肉


加入魚露, 辣蟹碎, 鹽, 糖, 胡椒粉拌勻~ 


 已汆水嘅豆卜同埋越車札肉加入番茄湯內煮滾~


 加入豬肉蟹碎大火煮至全熟, 熄火調味~


煮好嘅米粉, 加入熱辣辣嘅番茄湯連埋配料~

食前隨喜好加上蔥花, 芫茜同埋辣椒碎就食得喇~!!!


酸酸辣辣好開胃, 湯底好甜而加入雞蛋一齊煮嘅豬肉好腍滑唷~!!


2015年11月6日星期五

:+:粥底水蒸海鮮鍋:+: (26.07.2015)


先排興水蒸海鮮鍋~~ 鍾意食海鮮嘅涼粉子同陳大少去到中式超市見到有新鮮海鮮賣當然要試番轉啦~~

海鮮新鮮就好好味....

最後嘅蟹粥簡直係鮮甜到暈呀呀呀呀!!!

2015年11月1日星期日

:+:清燉魚翅雞湯:+: (附食譜)

三月尾煲嘅湯.. 宜家先醒起未出食譜仔呢~~

第一次煲點都可記低佢做個記錄亦都係交功課比自己咁啦~~

自家制用料好當然係好好味啦~~


2015年10月29日星期四

:+:越式生牛肉粉:+: (附食譜仔)


涼粉家耐唔耐就會整番次越式牛肉湯粉~

特別係卡卡喺度嘅時候, 因為卡卡會幫手食晒啲牛肉同牛骨.. 仲食得好開心呢~~

諗起佢個為食樣就覺得好好好好好可愛喇~~


2015年10月28日星期三

:+:韓式煎魚柳:+: (附食譜)

涼粉家時時都有會急凍魚柳.. 

貪佢方便又簡單易煮..

今次呢個韓式煎魚柳其實係之前出去韓國餐廳食過陳大少又話好味的~~

見佢好似簡簡單單... 咁就一於老翻吓佢啦~ 呵呵~



2015年10月19日星期一

:+:鱷魚肉龍脷葉止咳潤肺湯:+: (附食譜)

住涼粉家附近嘅朋友仔咳咳咳咳到甩肺咁~~

睇見佢就辛苦~~ 唔知有咩幫到佢就做番啲做到嘅事啦~~

涼粉媽之前買比我地嘅鱷魚肉可以出場喇~!!!


2015年10月3日星期六

:+:番茄煮紅衫魚:+:(附食譜)+涼粉家晚餐 (03.08.2015)

番茄紅衫魚呢味餸~~涼粉子細個喺香港時就時時食~~

但係黎到英國後都唔多覺有紅衫魚賣~~

呢日去到中超見到魚檔有紅衫魚賣~~~ 梗係要入貨喇~~

其實之前買過急凍嘅~~~ 用黎煲番茄薯仔湯的確唔錯~~

(寶貝卡卡豬就最愛魚魚湯喇~!)


但係要整番茄紅衫魚.. 就梗係用新鮮架啦~~

新鮮係指係冰上面賣嘅~~~ 唔會係游水啦~~

紅衫魚好似係鹹水魚黎架嘛~~~ 

喺香港街市都冇見過有游水紅衫賣丫~~ 哈哈哈~~~

所以中超魚檔有得賣~~~ 都不知幾開心`!!!


2015年10月2日星期五

:+:關西風壽喜鍋 - SUKIYAKI:+: (附食譜)


涼粉家成日耐唔耐都會出動火鍋..

其實原因好簡單, 一黎英國天氣涼浸浸~~ 

二黎涼粉子鍾意坐定定慢慢傾慢慢食又唔怕餸菜變得凍冰冰~

今次出場嘅係關西風嘅壽喜鍋~


2015年9月29日星期二

:+:簡易泰式酸辣咖哩蝦球煲:+: (附食譜)


涼粉子最好嘅朋友蜜糖小姐真係旅行精黎嘅~~~

個個月去旅行都會買好多大大小小禮物比涼粉子~~

感激我遇見~~

唔知煮咩好嘅時候睇睇有咩醬料就可以煮煮新煮意喇~~

今次呢個泰式酸辣咖哩蝦煲就係咁樣出黎架喇~~


2015年9月25日星期五

:+:孜然蜜味焗羊腩:+: (附食譜)

英國嘅羊肉好好味~~~

又嫩又有羊味!!


羊腩排煮左好多次.. 好多時都係羊腩煲~~~ 

又係時候試試新煮意~~

今次呢個孜然蜜味羊腩香香甜甜咁~~~ 

的確唔錯~!


2015年9月24日星期四

:+:養顏三棗茶:+: (附食譜)


喺勵志組蜜糖寶貝嘅推動下~~

涼粉子終於的起心肝整左呢個話要試好耐嘅三棗茶~~

美容雜誌有講過.. 中醫又有介紹過~~~

至於佢有咩好呢~~~

補血養顏, 令面色紅潤, 潤髮又潤指甲~

咁仲有咩理由唔行動呢~~~ (雖然涼粉子都拖拖拖咗好耐~~)呵~~

:+:川辣田雞腿:+: (附食譜)

陳大少應該真係好鍾意食田雞.. 次次見到急凍田雞腿都唔會放過~~

今次又試試新煮意... 麻麻辣辣都唔錯呀~~


平時極少炸野都要炸一炸佢... 如果唔係就濕笠笠唔夠香口架喇~~


2015年9月23日星期三

:+:紅青蘿蔔百合豬骨湯:+: (附食譜)+涼粉家晚餐 (22.09.2015)


紅蘿蔔, 青蘿蔔, 白蘿蔔功效唔同又唔相沖 (但係又有人話3種撞埋一齊用會抵消大家嘅營養????)~~~ 呢晚涼粉家晚餐就一於出動晒佢地啦~!!!
紅蘿蔔 - 抗癌抗氧化, 護眼又潤膚
青蘿蔔 - 除痰潤肺, 排毒除熱
白蘿蔔 - 潤肺止咳, 加強消化 (不過寒底涼粉子一定要加薑)


2015年9月21日星期一

:+:瑤柱臘味糯米飯:+: (附食譜)


糯米飯真係整過N咁多次...

連食譜都好似出左3個喇~~

不過...... 難得陳大少話咁多次糯米飯今次呢個最好食....

又再黎多個食譜仔都冇所謂啦~!!

今次應該係加咗瑤柱~~~ 所以陳大少覺得啖啖都有瑤柱絲更加好味??

初時明明有人見涼粉子話冇力整生炒仲咀藐藐架囉~!!! 哼~~~


2015年9月20日星期日

:+:煎鴨胸配甜辣黑加崙子醬:+: (附食譜)

貪得意又煮煮新菜式~~

10次有9次買咗鴨胸番黎問陳大少點整好, 佢都會話食鹵水鴨片~~ (仲緊要配埋個蒜蓉白醋汁!!!!)

見佢忙忙忙時就唔問佢啦~~~ 涼粉子睇心情隨意煮~~呵~~

想香口少少所次揀左煎嘅方法~~~ 鴨皮多油, 食多兩件怕油膩咩~~

就一於煮埋個甜甜酸酸嘅醬汁啦~~

涼粉子唔多食果醬 (除咗HARRODS藍梅醬), 所以之前好心機朋友自家制嘅果醬都婉拒咗~~ 

但係有次冇啦啦好想食黑加崙子醬 ... (就係咁奇怪丫~)

一次過冇理由食到成樽啦~~


要黎煮醬汁都係一個好辦法~! (大家屋企有其他口味嘅果醬大概都可以照用嘅...)



2015年9月18日星期五

:+:海底椰魚翅瓜豬骨湯:+: (附食譜)


轉天氣勤力密密煲湯水~~~

係~~~~ 成日煲湯嘅涼粉子番黎喇~!!

而另一樣冇變嘅.. 就係涼粉家最常見嘅湯水依然都係清甜滋潤嘅~~

呢晚出動左朋友仔自家種嘅魚翅瓜..... 新鮮得黎又冇農藥真係VERY GOOD呀~!!

:+:豉汁排骨蒸陳村粉:+: (附食譜)

話左好耐好耐要煮比陳大少試吓嘅:+:豉汁排骨蒸陳村粉:+:終於出場喇~!!!!

去開街街又番屋企前路經倫敦唐人街.... 醒起英國歡樂谷谷友仔推介嘅河粉廠..

當然要去入貨啦~~~

好耐之前喺香港時飲茶食過一次~~

陳大少鍾意嘅豉汁排骨... 豉汁排骨蒸飯... 豉椒排骨河粉.. 都係涼粉家晚餐嘅常客~~

咁呢個:+:豉汁排骨蒸陳村粉:+:...佢都應該會鍾意~~

買左大大包免切河粉就可以開工喇~!!!


2015年9月17日星期四

:+:金銀菜陳腎豬骨湯:+: (附食譜)

仲有10日就係中秋節喇.... 倫敦天氣涼浸浸... 秋意濃濃...

又係時候出動多啲湯水~~~

今次係呢個清熱潤肺加咗陳腎更加健脾開胃~~~好味又有益~~~


:+:韓式辣炒豬肉片:+: (附食譜)



之前一晚整左豆漿豚肉鍋... 淨番都唔少豚肉片~~

一於淨番佢加少少新煮意就變成呢個惹味辣辣好好餸飯嘅:+:韓式辣炒豬肉片:+:喇~~


2015年9月16日星期三

:+:惹味雙色片片魚:+: (附食譜)

之前朋友仔請食川菜, 有一味好唔錯嘅片片魚, 陳大少話幾好味所以涼粉子就一於老翻佢啦, 一邊係蒜蓉泡椒另一邊係金銀蒜, 惹味得黎又香又辣, 有人話....一次有兩款口味更滿足喎~~~ 哈哈哈~~~

用魚柳就啖啖魚得黎又慳功夫啦! -涼粉子係好懶嘅~~


2015年9月14日星期一

:+:陳皮鲍魚仔:+: (附食譜)

英國唔係時時見到有新鮮鮑魚仔賣... 見到就梗係唔會咁易放過佢啦~~

貪得意買幾粒番黎用陳皮蒸~~

簡單又鮮味~



2015年9月11日星期五

:+:銀芽炒三絲:+: (附食譜)

哈哈哈~~~ 係涼粉子自己多口同陳大少講起話好耐冇整清甜爽口嘅脆脆炒銀芽~~

哈哈哈~~~ 一撩起陳大少.... 就要出動呢個功夫菜喇~~

倫敦真係好似唔多覺有銀芽賣~~

要食就要自己出手喇~~ 所以..... 就叫佢做功夫菜...囉~~~

2015年9月4日星期五

:+:五香牛肉乾:+: (附食譜)

之前一晚整左肉醬意粉, 淨番少少免治牛肉~~

唔知要黎做咩好.. 炒餸又好似連續兩晚都食免治牛牛咁...

所以貪得意整左少少五香牛肉乾黎做零食丫~~


2015年9月1日星期二

:+:油鹽水浸蜆:+: (附食譜)

好耐好耐冇出食譜.. 就黎連自己煮過啲咩都唔記得喇~~

愈唔記錄就愈冇煮意~~~ 唔... 涼粉子要加油呀呀呀~!!!

涼粉子由細到大都好鍾意食蜆, 特別係豉椒炒蜆簡直就係食極都唔厭~~~

喺倫敦買海鮮其實啲貨都幾飄忽... 見到新鮮蜆蜆當然唔會錯過佢啦~~~

唔想熱氣又懶懶地所以揀左濕濕地又好暖胃嘅油鹽水浸蜆~~

加埋西芹好香噴噴... 仲有香港街市買番黎嘅散裝粉絲... 好爽口又唔易爛~~ 簡直係一流呀~!!

2015年7月15日星期三

:+:咖哩鹹牛肉三文治烘底:+: (附食譜)

:+:咖哩鹹牛肉三文治烘底:+:

呢個好好味又有創意嘅咖哩鹹牛肉三文治係涼粉媽好煮意黎嘅!

自從陳大少N年前食過之後。。。就番唔到轉頭喇!!!!!嗰次之後,唔加工過嘅鹹牛肉陳大少係唔會吼嘅~~~
(縱壞佢個胃都不知幾有成功感~~~ 不過有時又好似會覺得自己玩到自己咁囉~~ )

明明就係話想食個light lunch, 點知有人食咗6塊麵包呀! 青瓜要再添,鹹牛肉當然都清哂啦~` 呵呵~~~


2015年7月3日星期五

:+:三個月了:+:

時間過得好似好快又好慢... 卡卡豬都走咗3個月了~~

一直以黎都未有心情打番篇BLOG, 不過為免冇睇開FACEBOOK嘅大家問起卡卡豬去左邊~~

所以都係出番篇BLOG啦~~

我地很好~~ 唔洗擔心~~

2015年6月29日星期一

:+:FLESH & BUNS 嘅SUNDAY BRUNCH:+: (29.06.2015)

多謝好姊妹好介紹,之前仲同涼粉子去過一次,陳大少講咗好耐話要去食個Sunday Brunch㗎喇!
不過要預時間book檯唔係話去食就有得食啦! 有時就唔到時間又時有就唔好天氣, 好多時星期日都落雨濕濕... 就唔願出去丫嘛~~

終於就係喺呢個 '我DATE你丫但係我咩都冇準備' 嘅約會日訂左檯了~~

2015年6月25日星期四

:+:冬蔭公湯:+: (附食譜)


 好耐好耐冇煲冬蔭公湯喇!  自家制幾時都係最足料架啦,酸度辣度可以自己預番自己口味, 加上今晚天氣熱熱地,更加有東南亞風味呀呀呀 😜

2015年3月28日星期六

:+:蜜汁黑椒牛柳:+: (附食譜)



嘩哈哈。。。。好耐冇煮新餸喇!

琴晚對住包牛柳邊諗左一陣,要黎炒西蘭花又悶左啲,時時出動嘅沙嗲牛牛粉絲煲又先幾日先煮過 >_<

呢幾日想食甜嘢就一於整呢個蜜汁黑椒牛柳啦!




2015年3月26日星期四

:+:沙嗲鴨肉炒烏冬:+:(附食譜)


嘻嘻.. 自從年幾之前買左個MIELE蒸爐番黎之後...
係蒸多左餸... 

蒸開餸就會順手蒸埋飯... (真係連電飯煲都少用左丫~~)

另一方面.. 買左隻LC 32CM MARMITE番黎之後, 

炒粉麵飯同炒菜都更加得心應手呀~~!!

今次有沙嗲鴨肉炒烏冬~!!

2015年1月31日星期六

:+:沖菜牛肉餅:+: (附食譜)

涼粉子豬肉餅整得多..  牛肉餅反而好少整~

呢日突然醒起好似好耐冇食過牛肉餅了~~

見屋企冰格仲有少少陳大少鍾意嘅沖蔥~~ 

一於整個:+:沖菜牛肉餅:+: 啦~~

2015年1月29日星期四

:+:蒸蟹飯:+: (附食譜)


打邊爐淨番大半隻蟹點算好~?

食又食唔落.. 扔左佢又好似太浪費...

快快手放番入雪櫃留番第二晚整左呢個樣子同味道一樣咁甜美嘅蟹飯~~~

好香甜嘅蟹味呀~!!

2015年1月26日星期一

:+:蜜瓜螺頭豬骨湯:+: (附食譜)

天氣乾燥.. 唔止涼粉子腳踭爆拆... 就連陳豬卡都腳踭爆拆仲流血呢~~

之前POST左相仔上FACEBOOK嚇親大家涼粉子真係好唔好意思...

所以... 唔再POST張相喇~~


真係唔止要飲多啲湯水.. 仲要唔懶得搽搽CREAM

仲要幫卡豬搽狗狗防爆扑CREAM呢~~~~ 哈哈~~  

 之前多得朋友仔幫忙入左個大嘅28CM LC磨砂紫鑄鐵鍋..

第一次用就煲個數一數二嘅最愛湯水甜一甜佢啦~~

 :+:蜜瓜螺頭豬骨湯:+:

2015年1月24日星期六

:+:日式味噌燒三文魚頭:+: (附食譜)

涼粉子特別鍾意食三文魚頭... 所以一見有新鮮賣... 就當然唔會錯過啦~~

今次係...日式味噌燒三文魚頭~~


今次都係一樣做法啦.. 不過唔怕食魚頭麻煩嘅涼粉子就當然更愛呢個啦~~

2015年1月22日星期四

:+:MUJI海膽醬珍珠帶子天使麵:+: (附食譜)


涼粉子一向都鍾意食海膽~~

海膽炒飯.. 海膽軍艦...海膽乜乜乜都好鍾意食...

去到邊都要食~ 哈哈哈~~

(自己都邊打字邊笑~!!)

喺香港MUJI見呢海膽意粉醬涼粉子又點會放過丫~~

簡簡單單又一味喇~ 

2015年1月21日星期三

:+:魚露雞:+: (附食譜)


又係心情好就有新煮意嘅時候了~!!

雞肉易煮又易配搭.... 涼粉子喺屋企睇住支魚露~

魚露雞就係咁出黎架喇~~~


2015年1月16日星期五

:+:紅青蘿蔔猴頭菇湯:+: (附食譜)


飲湯飲湯... 好緊要~~

青蘿蔔有助增強免疫力...
猴頭菇健胃,補虛,抗癌, 助消化..
百合潤肺止咳、清心安神

(網上資料啦.. 自己睇多幾次就好易入腦架喇~)

加埋一齊煲.. 冇相沖..有益又好味~


2015年1月14日星期三

:+:南乳焗排骨:+: (附食譜)


南乳好好用.. 通常用黎炆野多.. 今次試試新煮意用黎焗排骨~~

都唔錯啵~~~

南乳香濃加埋排骨.. 好好餸飯呀呀呀~~~


2015年1月13日星期二

:+:雪菜炒大腸:+: (附食譜)


陳大少鍾意食豬大腸...

番親香港都會買炸大腸黎食...

不過少食多滋味啦~

一來本身就冇益.. 二來街外的有橙橙色素..又有千年油.. 更加怕佢洗得唔夠乾淨~~

所以.. .. 都係自己整啦~~

鹹酸菜炒大腸整得多.. 今次試試用雪菜..都唔錯啵~~~