:+:猴頭菇蟲草花瘦肉湯:+: (附食譜)

倫敦呢幾日落下濕濕... 又天陰陰咁...

凍左好多呀~~~

所以KEEP住努力啲煲湯飲湯~!!!!

之前番香港時睇過中醫佢話涼粉子應該食多啲去濕的東東...

例如薏米呀咁..

所以記得的話煲湯都會落少少落去~!!!

材料及做法: 

瘦肉 - 大約500克

凍水慢火汆水去雜質 (表面有泡泡浮起要即時隔走架~!!!)

之後洗淨隔水~

 蟲草花 - 一大撮 (用清水浸後洗淨隔水)

圓肉 - 半湯匙  (用清水浸後洗淨隔水)

杞子- 1湯匙  (用清水浸後洗淨隔水)
淮山 - 數片 (用清水浸後洗淨隔水)

薏米 - 一湯匙 (用清水浸後洗淨隔水)

 猴頭菇 - 2大個  (用清水浸後洗淨榨乾搣細隔水)

滾水大火加入所有材料. 滾起後轉細火煲一個半小時~~熄火後加鹽調味~