:+:銀芽炒三絲:+: (附食譜)

哈哈哈~~~ 係涼粉子自己多口同陳大少講起話好耐冇整清甜爽口嘅脆脆炒銀芽~~

哈哈哈~~~ 一撩起陳大少.... 就要出動呢個功夫菜喇~~

倫敦真係好似唔多覺有銀芽賣~~

要食就要自己出手喇~~ 所以..... 就叫佢做功夫菜...囉~~~

哈哈哈~~~~摘芽菜摘左成75分鐘~~~ 哈哈哈~~~~

材料及做法:

銀芽洗乾隔水~

今次用左扎肉甘荀冬菇

材料真係好隨意~~

切到一樣咁幼整整齊齊就最好喇~~~

先大火炒香左三絲~ 再加少少蒜蓉炒炒炒~~

要炒得夠乾身呀~~~~

加埋銀芽炒炒炒~~~ 火力真係要夠猛, 炒出黎嘅銀芽先夠活潑夠爽脆架~~

加魚露胡椒粉少少砂糖調味~~~

煮嘅時間大約唔洗5分鐘~~

多菜少肉都算係健康菜式呀~~~

呢晚仲有海南雞飯~~~ (篤一篤個名就有食譜連結架喇~)

涼粉子懶懶冇將雞肉起骨啦~~~ 嘻嘻~~~

 開開心心又一餐喇~~~~

******************************************************

提到嘅食譜仔:

:+:銀芽炒肉鬆粒粒:+: (篤一篤個名就有食譜連結架喇~)

:+:海南雞飯:+: (篤一篤個名就有食譜連結架喇~)